الليل سيّل ظلامه في شوارعنا::::

االسلااام عليكم:
:

لليل سيّل ظلامه في شوارعنا
يوم السحاب امطر دموعه .. وغنيّنا
وشلون الامطار يوم تطيح توجعنا؟!
ما كنّها الا خناجر تطعن يدينا
لا صارت ايامنا ( معنا ) بلا ( معنى )
تمشي بنا وين ما تبغى تودينا !!
يمكنها لــ أمس من بكره ترجـّعنا
وتضحك لنا كثر ما كانت تبكيّنا
ويمكنها لا شكينا الظلم تسمعنا
وتاخذ بعض من حلاوتها وتعطينا
يا ليتنا يا حبيبي ما توادعنا
في ليلةٍ غرّبتنا عن موانينا
كل ما تقدّم خطاوينا تراجعنا
إلين ضعنا وضيّعنا خطاوينا
وقلوبنا معلـّقة فـ اخر شوارعنا
تبكي وحنا بدون الحان غنيّنا !!